pumps المضخات
pump heads
1- introduction to heads
- جزئية ال pump heads دي تعتبر مقدمة عشان نفهم منها كام حاجة ليها علاقة بال cavitation.
- ال head زي ما أنت فاهم هو الارتفاع ... بمعنى لو عندك مثلث قائم فالارتفاع بتاعه هو ال head وده بالتوازي مع المضخة إنها بترفع السائل من نقطة عند خط السحب لنقطة ع خط الطرد فالفرق ما بينهم هو ال head ،، وفي المضخات بشكل عام بنعبر عن الضغوط بكلمة head .
- وده من قانون الضغط وهو عبارة عن عجلة * ارتفاع * كثافة السائل ،، فالكثافة والعجلة يعتبروا ثابتين فهتلاقي إن المتغير الوحيد تقريبًا هو الارتفاع ،، عشان كده بنعبر عن الضغط باستخدام الارتفاع اللي هو ال head تمام؟ وصلت.
2- Types of heads in pump
* suction head [ hsp ]
- وده الضغط عند خط السحب ،، بمعنى لو عندك pump المفروض عشان تشتغل يكون عندك ضغط يكفي إنه يسحب السائل بتاعك على أي حال وده اسمه suction head
* static suction head [ hs ]
- ودي مرتبطة بطول العمود vertical وده باختصار عبارة عن الارتفاع بتاع مستوى خط السحب لغاية التانك اللي بيسحب منه ،، وهو ضغط لازم المضخة تتغلب عليه عشان تحرك السائل من التانك لغاية المضخة pump
* vapor pressure head [ hvp ]
- وده الضغط اللي عنده السائل بيبدأ يتحول بخار ،، إنت عارف طبعًا إن عشان الطلمبة تشتغل المفروض لازم يكون فيه سوائل بس ،، ساعات بيحصل losses في صورة بخار والبخار اللي اتحول ده بيكون له ضغط طبعًا ويعتبر حاجة سلبية بتسحب من ضغط السائل * إشارة سالبة هتعرف *
* friction head [ hf ]
- ودي تعتبر مجموع المفقودات losses اللي بتحصل في خط السحب بتاعك ،، لو عندك خط السحب وماشي فيه سائل فمش بيكون smooth وبيكون فيه frictions زي مثلًا elbow كوع أو filter أو valve فده بيقلل الضغط بتاع السائل برضو * إشارة سالبة *.
* NPSHA & NPSHR
- وده عبارة عن ال net positive suction head إما يكون available أو required .
- ال NPSHa بيكون عبارة عن محصلة الضغوط بتاعت الطلمبة في خط السحب وله قانون مشهور خاص
NPSHa = hps + hs - hvp - hf
من القانون ده هتبص بعينك هتعرف إن ال hps بيزود ال NPSHa وكمان ال hs ،، وعندك ال vapor head وكمان ال friction بيقللوا ال NPSHa وده مهم جدًا لازم يتحسب.
- تعريف ال NPSHa ؟ هو الضغط اللي إنت محتاجة في ال suction line عشان تشتغل الطلمبة بصورة جيدة.
- أهميته؟ بتقارنه بال NPSHr لازم يكون أكبر من أو ع الأقل يساويه عشان الطلمبة ميحصلهاش cavitation.
- تعريف ال NPSHr ؟ ضغط مخصوص موضوع أثناء عملية التصميم عشان يمنع حدوث مشاكل زي cavitation وبيكون زي indication ليك لأن زي ما قولنا بنقارن ال NPSHa بال NPSHr ومنها بنعرف إذا كان فيه cavitation أو لا ،، عشان كده الاتنين دول مهمين جدًا جدًا
3- Additional notes
- موجود عندك أنواع تانية من ال heads كالتالي
* static discharge head
- هو المسافة الرأسية بين سطح الماء الحر في خط الطرد ومركز المضخة ويرمز له hsd
* total static head
- هو المجموع الكلي بتاع ال static suction head وال static discharge head وبيرمز له hts.
- References :
* Process technology equipments and systems.
* channel of chemical engineering in arabic
* industrial pumps book, Saudi Arabia.
#pumps
#Oil_And_Gas
المشاركات
ليست هناك تعليقات:
اضافة تعليق