pumps المضخات
concepts ,, vapor lock
- ال pump concepts دي شويه مصطلحات هنفهم منهم الكورس بتاعنا عشان هنتكلم بيهم بعد كده طول الكورس.
- الطلمبات pumps في ال service بتاعتها بتتعامل مع سوائل بس يعني من الأخر الضغط يكون قليل تحطله pump يديك ضغط عالي ... خلي بالك liquids only
- من المعروف إن السوائل دي incompressible غير قابلة للانضغاط يعني وافتكر دايمًا إن الخاصية دي معناها إن الحجم هو اللي ثابت وده ملهوش علاقة بالضغط فالضغط بتاع ال liquids بيتغير عادي ودي وظيفة الطلمبات.
- بص بقى المكونات الأساسية عندك ال inlet ده هنسميه suction line أو خط السحب ،، وال outlet ده هنسميه discharge line أو خط الطرد ،، والمضخة نفسها يعني كالتالي خط سحب << مضخة << خط الطرد.
- خط السحب suction line بيكون موجود فيه supports عشان توازن السوائل اللي موجودة جوه ال pipelines ،، وبيكون موجود isolation valve عشان لو عاوز توقف الخط لأي سبب ،، وكمان بيكون فيه filter أو strainer عشان لو فيه أي شوائب مع ال liquids يقوم عاملها إزالة منه ،، وكمان بيكون فيه pressure gauge ع الخط عشان يقيس الضغط اللي داخل.
- خط الطرد discharge line بيكون موجود check valve عشان تخلي السوائل تمشي في اتجاه الخرج بس ،، وكمان موجود isolation valve عشان لو عاوز تفصل الخط برضو ،، وموجود pressure gauge عشان يقيس الضغط الخارج ويتأكد إن الطلمبة قامت بدورها من خلاله.
ممكن يكون موجود حاجات تاني بس دول الأساس.
- هنتكلم دلوقتي عن pump priming اللي هو تحضير الطلمبة وده معناه إن خط السحب وال pump يكونوا مليانيين بال liquids ،، وأحنا قولنا إن أي traces من ال vapor أو gas هيعملوا مشاكل زي cavitation أو vapor lock ،، طاب لو عاوز تتخلص من ال gases قبل التحضير؟ بيحطوه صمام اسمه bled valve وكل دوره إنه يعمل venting لأي غازات موجودة في الخط بتاعك.
- هنتكلم عن ظاهرة ال slip ودي نسبة السوائل اللي موجودة في الخط بس بيحصلها losses ،، يعني إيه؟ دول شويه liquids من الأخر رافضين طريق إنهم يتحركوا من ضغط قليل لضغط عالي وبالتالي مش بيخرجوا في ال discharge وبالتالي بنعتبرهم مفقودات ،، وحلها إنك تقلل شويه من الضغط عند خط الطرد يعني لو هيزيد من 3 إلى 8 خليه من 3 إلى 7 atm مثلًا ... ودي تعتبر مشكلة.
- هنتكلم عن ظاهرة ال vapor lock ودي مشكلة بتحصل في المضخة لما تفقد ال priming بتاعها ،، وقولنا ال priming ده معناه إن خط السحب وال pump يكونوا مليانيين بال liquids ،، يعني إيه تفقد ال priming بتاعها ؟ ... دي معناها حاجتين ،، أول حاجة no enough liquid يعني من الأخر إن ال flow اللي داخل مش قادر يملأ ال pump وخط السحب ،، المعنى التاني إنه موجود vapors أو gases مع السائل اللي في الخط.
- هنتكلم عن المشاكل والحلول بتاع ال vapor lock فيه كذا سبب ممكن يحصل vapor lock عشانهم كالتالي :
* إن المضخة بتاعتك يكون فيها شويه gases قبل الشغل والغازات دي محصلهاش venting ... يعني لازم تعمل venting للغازات من خلال صمام اسمه bled valve وده كل دوره يعمل venting لأي غاز أو vapor موجود.
* ممكن يكون فيه holes صغيرة في الخط بتاعك ودي هتدخل air مع السائل بتاعك وبكده هيكون عندك 2 phases في الخط ... وده هيعمل مشكلة كبيرة عندك ،، فعشان تحل المشكلة دي لازم تعمل welding للثقوب دي أو من خلال استخدام foam .
* لو عندك negative suction يعني ال pump بتسحب من تانك مثلًا أقل من مستواها فبتكون ال pipeline بتاعتك مش مغمورة في التانك فيدخل معاه air وبالتالي هيكون عندك 2 phases ،، وحلها إنك تمد الأنابيب دي وتكون مغمورة في السائل اللي بتسحب منه.
* لو عندك درجة الحرارة عالية ... فده هيزود درجة حرارة السائل جوه الخط وبالتالي ممكن يعمل vapor وهيكون عندك 2 phases في الخط وده هيعمل مشكلة ،، وحلها إنك تعمل coating أو تدفن الخط بتاعك ،، ونفس المشكلة هتحصل لو عندك low pressure ودي هترجع للتشغيل بتاعك وتشوف فين المشكلة عشان الضغط يقل كده.
- References :
- Process technology equipment and systems
- channel of chemical engineering in arabic
----------------------
المشاركات
ليست هناك تعليقات:
اضافة تعليق