ما هي أنواع PLC memories

ما هي أنواع PLC memories

في منها نوعين :

١) ذاكرة متطايرة Volatile memory : بتحتاج لمصدر كهرباء
 أو بطارية علشان البرنامج يبقي موجود وعشان كدا بتكون مؤقتة أو غير دايمة Unpermenant .

* ذاكرة ( RAM ( Random Access Memory :

- فيها إمكانية التعديل Write في البرنامج.
- فيها إمكانية قراءة Read البرنامج.
- في حالة قطع الكهرباء بتتمسح البيانات Erase في البرنامج
 لو مفيش بطاريه أو البطاريه باظت.
- بتحتاج بطارية وده إلزامي والا البرنامج هيتمسح ويختفي في حالة قطع الكهرباء.

٢) ذاكرة غير متطايره Non - Volatile  : مش بتحتاج لمصدر كهرباء  أو بطارية وعلشان كدة بتبقي دايمة Permenant.

في منها ٤ أنواع :

* ذاكرة ROM ( Read - Only Memory ) :

- مش هتعرف تكتب عليها أو تعدل في البرنامج  أو تكتب برنامج جديد لأنها غير قابله للمسح .
- ليس للمبرمج سيطرة أو تحكم فيها لأنها من قبل الشركات المصنعه
- مفيهاش إمكانية التعديل Write في البرنامج.
- فيها إمكانية قراءة Read البرنامج.
- مبيحصلش فيها مسح أو فقد للبيانات Erase للبرنامج.
- مش بتحتاج بطاريه.

* ذاكرة EPROM :
(Erasable Programmable Read Only Memory) :

- هتعرف تكتب أو تعدل أو تعمل برنامج جديد بعد عملية المسح
كل مرة هتبرمج لازم تعمل مسح في الأول
- مفيهاش إمكانيية التعديل Write في البرنامج.
- فيها إمكانية قراءة Read البرنامج.
- ممكن يحصل مسح أو فقد البيانات Erase للبرنامج.
- طريقة المسح بتكون بالأشعة فوق البنفسجية.
- مش بتحتاج بطارية.

* ذاكرة EEPROM :
( Electrically Erasable Programmable Read - Only Memory ) :

- هتعرف تكتب أو تعدل أو تعمل برنامج جديد بعد عملية المسح
كل مرة المبرمج هيعدل في البرنامج لازم يعمل مسح
- فيها إمكانية التعديل Write في البرنامج.
- فيها إمكانية قراءة Read البرنامج.
- ممكن يحصل مسح أو فقد للبيانات Erase في البرنامج.
- طريقة المسح بالكهرباء عن طريق البرمجة.
-  مش بتحتاج بطارية.

* ذاكرة Flash :
- هى الأكثر استخداما وانتشارا حاليا
- مش بتحتاج بطارية.
- فيها إمكانية تعديل أو مسح البرنامج كذا مرة Unlimited.
- تقدر تقرأ وتكتب علي البرنامج زي ما انت عاوز براحتك مفيش قيود